TRABALLAMOS O SOPRO CON INSTRUMENTOS MUSICAIS

Aproveitando a motivación e o interese tan grande que o concerto da Sinfónica lles provocou pola música e os instrumentos musicais estivemos realizando exercicios de respiración e sopro con instrumentos de vento.
Resultou moi divertido aínda que algúns era un pouco difícil facelos soar!!!

XOGOS MUSICAIS

No Taller TIC desta semana estamos traballando cuns xogos moi interesantes sobre os instrumentos musicais e a orquestra.

Aquí vos deixo os enlaces para seguir xogando e aprendendo na casa.

Premede nas imaxes e a xogar!!!!

ORQUESTRA

Continuamos coa preparación para o concerto do vindeiro venres. 
Agora toca traballar a orquestra. Para isto empregamos unha actividade SMART que nos axuda a escoitar e visualizar que instrumentos compoñen unha orquestra e como se organizan e colocan segundo as familias.

Despois formamos a nosa propia orquestra escollendo un instrumento musical, ubicándoo na súa familia e colocándonos no noso lugar dentro da orquestra. Os instrumentos de corda diante, detrás os de vento e de último os de percusión. 

Temos que atender á directora da orquestra que cunha batuta amarela manda tocar á corda, cunha vermella ao vento e cunha azul á percusión.

Que empece a función!

INSTRUMENTACIÓN

Hoxe traballamos con algúns dos instrumentos musicais que veremos e escoitaremos no concerto.
Falamos da súa forma e tamaño, escoitamos o seu son, o reproducimos mediante onomatopeas, os clasificamos por familias (metal, madeira, parche, vento...) e os tocamos facendo música.
Tamén os buscamos no cadro de instrumentación do concerto colocando un gomet nos que fomos coñecendo e tocando.

IMOS DE CONCERTO!

O venres 2 de marzo imos ao Pazo da Ópera da Coruña para asistir a un concerto didáctico a cargo da Orquestra Sinfónica de Galicia.
Escoitaremos unha obra de Ravel titulada MA MERE L´OYE (MAMÁ OCA), unha peza musical baseada en 5 contos (a Bela Durminte, a Bela e a Besta, Polgariño, Feuchiña e o Xardín das Fadas).
Esta semana no Taller de Linguaxe Oral comezamos a preparar a visita.
Realizamos a audición dos 5 movementos da obra (os 5 contos nos que se inspira).
Os que máis gustaron foron a Bela e a Besta e o Xardín das Fadas.
Como non podía ser doutra maneira, hoxe, triunfou o AMOR.

STOP MOTION

No taller TIC estivemos traballando coa tecnica STOP MOTION para crear animacións mediante a toma de fotografías en secuencia.
Todo partíu dun BIBLIO BN INFORMA que se publicou no mes de novembro.
Estos son os resultados:

STOP MOTION 3 ANOS

STOP MOTION 4 ANOS

STOP MOTION 5 ANOS

PRAXIAS COS ANIMAIS DO BOSQUE

Estos días andamos a xogar cuns animais que podemos topar nos bosques.
Temos que tratar de imitalos movendo a boca, lingua, beizos, nariz, pescozo...
Así exercitemos os órganos bucofonatorios dunha maneira divertida e isto sírvenos para poder vocalizar máis e mellorar a nosa pronuncia.
Se queredes ver ou descargar a presentación de PowerPoint con animacións e voces dos nenos premede aquí.