Continuando co seu traballo do Prácticum, BÁRBARA, PATRICIA e SORAYA nos contaron un conto moi especial. Tiñamos que estar moi atentos e facer unha resposta corporal ante determinadas palabras que aparecían ao longo do conto.
Actividade deseñada por BÁRBARA, PATRICIA e SORAYA, estudantes de Ciencias da Educación de prácticas no noso centro, para o traballo da atención e memoria. Despois do visionado e descrición dunha lámina temos que descubrir que partes da mesma van desaparecendo.
Moitas grazas a Iván de 5 anos por axudarme na representación do conto "CINCO" da Editorial Kalandraka nun teatro de sombras. Se queredes ver o video facede clic na imaxe ou entrade no blog da biblioBN.
Para a celebración do Magosto, durante esta semana, estivemos elaborando e preparando no Taller de Linguaxe Oral de 5 anos o conto da CASTAÑEIRA para o Kamishibai. Os textos os sacamos da actividade LIM que traballamos no Taller Tic e as ilustracións son obra dos nenos e nenas da aula de 5 anos. Se queredes ver que ben o fixemos podedes ver o vídeo no blog da BiblioBN ou pulsando aquí.
Praxias son os exercicios e movementos dos órganos bucofaciais (beizos, lingua, meixelas e mandíbula) que favorecen unha mellor pronuncia e vocalización. Esta vez nos axudaron unhas divertidas castañas que nos indicaban os movementos a facer. Como o xoves na festa do Magosto do cole comeremos moitas castañas asadas, que mellor que mover ben a boca e tela adestrada para darlles bos bocados!
Actividade SMART deseñada para o EDI onde se traballa a discriminación auditiva e o vocabulario do Samaín. Pulsando as cabazas escoitamos un son terrorífico e temos que adiviñar que o fai. Despois borramos a tinta negra que o cobre e descubrimos se acertamos.