NOVO PANEL DE FORMAS PARA O ESCORNABOT

Esta semana no fedelleiro xogamos co Escornabot e un novo panel desmontable de formas que o podemos montar cada vez dunha maneira distinta.

Neste xogo temos que asociar cada tarxeta de imaxes reais á forma que ten cada unha e levar alí o Escornabot.

TRIÁNGULO

Un precioso álbum ilustrado co que na Aula de A.L. traballamos as formas e tamaños.

Despois repasamos no Ipad os BITS das formas elaborados coa app "TinyTap".

Tamén traballamos o trazo do triángulo e o cadrado no Monitor Táctil.

E por último, na sesión de A.L. no Atelier de Luz Negra do Espazo Fedelleiro, fixemos creacións artísticas empregando o Triángulo.