BITS DOS 101NOMES 6

PARELLAS DO NADAL

Actividade SMART deseñada para o traballo do razoamento verbal e do vocabulario do Nadal.

Xogamos cunhas "bolas tolas" a adiviñar cousas típicas do Nadal e a compoñer os seus nomes.

Tamén tivemos que pensar que dúas imaxes facían parella e explicar o por qué.

Gústanos o Nadal!!!

Nesta actividade empregáronse pictogramas ARASAAC.

BITS DOS 101NOMES 5

XOGAMOS COS OFICIOS

Actividade SMART deseñada para o traballo da atención, razoamento verbal e vocabulario específico do proxecto.

Xogamos a seleccionar, entre unha serie de obxectos, os propios de cada oficio.

Nesta actividade empregáronse pictogramas ARASAAC.

VISITA DO ANANIÑO

Esta semana recibimos a visita do ANANIÑO no Taller de Linguaxe Oral, co que traballamos a discriminación e pronuncia dos sons do idioma, xa sexa illados ou ben dentro das palabras.

Na aula de 5 anos trouxo un xogo SMART no seu lápiz USB, co que traballamos coa sílaba tónica en palabras bisílabas.

BITS DOS 101NOMES 4

TOMA CASTAÑA

Na semana do Magosto, no Taller de Linguaxe Oral, traballamos a motricidade e tonicidade bucofacial con castañas.

Coa axuda dunha culler levamos, sen mans, a castaña a un compañeiro/a.

Non podemos tocar a culler e non se pode caer a castaña!

Toma castaña!

XOGO DOS NOMES

Actividade LIM de elaboración propia deseñada para traballar e xogar cos nomes na aula de 3 anos.

QUE SOA? VEHÍCULOS

Actividade SMART deseñada para o traballo da atención e discriminación auditiva.

 Detrás dun fondo de cor está escondido un vehículo que teremos que adiviñar polo seu son.

 Unha vez o sabemos, borramos a cor para comprobar se acertamos.

BITS DOS 101NOMES 3

OLLO ÓS SINAIS!

Actividade SMART deseñada para o traballo das praxias e motricidade orofacial.

A realización de praxias incide no ton e movemento dos beizos, língua, mandíbula, meixelas... e polo tanto, mellora a nosa vocalización, articulación e pronuncia.

BITS DOS 101NOMES 2

ATOPA O DISPARATE

Actividade deseñada para o traballo da atención, vocabulario específico do proxecto, razoamento e expresión oral.

ESCENA SONORA

Actividade SMART deseñada para o traballo da atención e discriminación auditiva.

Premendo en cada altofalante escoitamos un son que temos que identificar e localizar na escena sonora dunha rúa.

BITS DOS 101NOMES 1

101 NOMES

Axiña comeza a nosa andaina polas rúas de Pastoriza.

Poñede atención!

Proxecto curso 2014-15:

101 NOMES

UN CONTO PARA ATENDER

Hoxe traballamos a atención cun conto, "VAMOS A BAILAR" de EDELVIVES.

Neste divertido conto debemos observar moito xa que temos que atopar todo o que nos di.

XUÑO

Outro mes do REFRANEIRO MARIÑEIRO.

Imaxe do refrán extraída do AQUARIUM FINISTERRAE.

BITS DOS 7MARES 14

PALABRAS QUE RIMAN

O ANANIÑO trouxo un xogo SMART no seu lápiz USB.
Un xogo con palabras, palabras que riman.

Con esta actividade traballamos a discriminación fonética e fonolóxica identificando as palabras que rematan cos mesmos sons.

MEMORIA AUDITIVA

Actividade SMART deseñada para o traballo da discriminación e memoria auditiva.

Ao premer un botón no EDI, reproducíanse unha serie de sons. 

Despois tiñamos que recordar a orde na que os escoitamos.

DE QUEN É?

Actividade SMART deseñada para o traballo da atención, razoamento e vocabulario relativo ao proxecto.

Xogamos a levar cada obxecto a quen lle pertencía e explicar a súa relación.

Se acertabamos, o vórtice collía ese obxecto pero si non era seu o rexeitaba.

MAIO

Outro mes do REFRANEIRO MARIÑEIRO.

Imaxe do refrán extraída do AQUARIUM FINISTERRAE.

PALABRAS CON ERRE

Este venres o ANANIÑO trouxo un xogo SMART no seu lápiz USB.

Un xogo con palabras con ERRE, onde tiñamos que contar as súas sílabas e marcar a sílaba que contiña o fonema "RR".

Con esta actividade traballamos a articulación e pronuncia e a conciencia fonolóxica e silábica, aspectos necesarios para solucionar ou previr dificultades de fala e de lectoescritura.

Actividade elaborada con pictogramas ARASAAC.

XOGANDO COA ATENCIÓN