NOVO PANEL DE FORMAS PARA O ESCORNABOT

Esta semana no fedelleiro xogamos co Escornabot e un novo panel desmontable de formas que o podemos montar cada vez dunha maneira distinta.

Neste xogo temos que asociar cada tarxeta de imaxes reais á forma que ten cada unha e levar alí o Escornabot.

CONCIENCIA FONOLÓXICA CO ESCORNABOT

Hoxe no Fedelleiro traballamos a Conciencia Fonolóxica coa axuda do Escornabot e un dado coas vogais impreso en 3D.

Tiramos o dado, identificamos a vogal, buscamos o debuxo do panel que comeza por ela e alí temos que mandar ao Escornabot, con coidado de non pasar pola casiña prohibida!

CIRCUÍTOS PARA O ESCORNABOT

Este luns no Fedelleiro o alumnado de A.L. construíu circuítos para o Escornabot con distintos materiais. Despois mediante estimacións dos avances os percorreron.

MAGOSTO CO ESCORNABOT

Comezamos a Semana do Magosto no Fedelleiro cun xogo para o traballo da discriminación visual, atención, vocabulario e razoamento verbal onde temos que atopar, nomear e levar o Escornabot ás imaxes relacionadas co Magosto.

Unha vez chegamos co Escornabot temos que explicar por qué están relacionadas con esta celebración.

SAMAÍN CO ESCORNABOT

No Samaín, na Aula de A.L., é de obriga xogar co panel dos sons de medo do Escornabot.

Así que alá fomos ao Fedelleiro a xogar cos nosos medos.

Comezamos na casiña de saída localizando o Código QR co número 1. Levamos alí o Escornabot e o chegar escaneamos o QR co IPAD.

O QR levaranos a un video que reproducirá un son de medo. Buscamos a imaxe correspondente a ese son e levamos alí o Escornabot.

Buscamos o seguinte número e repetimos o proceso ata percorrelos todos.

Para rematar a  terrorífica sesión escoitamos atentamente a canción da Bruxa Maruxa de María Fumaça.

Medos fóra!!!

FEDELLANDO NA BIBLIOBN

Na Aula de A.L. seguimos a traballar coas ferramentas do Recuncho Fedelleiro da biblioBN. 

Desta vez construímos circuítos para o Escornabot coas pezas GIGI.

Empregamos conceptos numéricos, espaciais, estimacións, pensamento lóxico, razoamento, traballo cooperativo...e o mellor de todo, xogando!!!

SUMAS CO ESCORNABOT

Na Aula de A.L. seguimos xogando e aprendendo co Escornabot. 
Desta vez axudounos a practicar a suma.

Sobre a recta numérica soamente tiñamos que darlle ao escornabot para diante o número de veces que nos indicaba a suma.

Ao avanzar ese número de casiñas o Escornabot nos levaba ao resultado.

Que divertidas resultáronnos as sumas!

O ESCORNABOT NO SAMAÍN

Na Aula de A.L. festexamos o Samaín cunha actividade de discriminación auditiva co ESCORNABOT.

Comezamos na casiña de saída localizando o Código QR co número 1. Levamos a el o Escornabot e o chegar escaneamos o QR co IPAD.

O QR levaranos a un video que reproducirá un son de medo. Buscamos a imaxe correspondente a ese son e levamos alí o Escornabot.

Buscamos o seguinte número e repetimos o proceso ata percorrelos todos.

Os Códigos QR do panel de xogo foron elaborados con UNITAG.

 Proxecto Escornabots na Biblioteca Escolar.

ESCORNAXOGO

Xogo elaborado polo alumnado que asiste á Aula de A.L. empregando a App "TinyTap".

Tamén podedes xogar nun dispositivo móbil instalando a App e buscando no menú a palabra ESCORNAXOGO.

 Proxecto Escornabots na Biblioteca Escolar.

CROCODILO

Na Aula de A.L. tamén empregamos o ESCORNABOT para dinamizar contos.

Desta vez tocoulle a CROCODILO da Ed. Kalandraka, que sempre foi un éxito nesta aula.

Despois da lectura do conto imos sacando as tarxetas das cores na orde na que aparecen. 
Poñémoslle a tarxeta da cor ao escornabot, que terá que levala á ilustración coa que se fai a rima, tal como escoitamos no conto:

Verde - O crocodilo que se perde

Azul - Baúl

Amarelo - Castelo

Negra- Pedra

Morado - Tellado

Laranxa - Granxa

Vermelliño - Piolliño

Comezamos na casiña da portada e rematamos na contraportada.

Panel de xogo

Tarxetas das cores elaboradas con pictos ARASAAC

 Proxecto Escornabots na Biblioteca Escolar.