QUEDA NA CASA: ANIMAIS SOPRADORES

Mira os seguintes animais. Dí o seu nome.

Colle o aire polo nariz e solta todo o aire expirado como cada animal dunha maneira continua e nunha soa vez.

Agora temos que levar cada animal a súa casa soprando.

Collemos aire nada máis que unha vez (no animal) e o soltamos da maneira de cada animal.

O aire expirado tennos que durar ata chegar a súa casa.

Antes de comezar podedes ver este video demostrativo:

Actividade deseñada para o traballo da respiración e o sopro e así mellorar a nosa capacidade expiratoria necesaria para a correcta fonación.

QUEDA NA CASA: FIGURAS RESPIRACIÓN

Collemos aire polo nariz e o sacamos pola boca facendo o sonido "SSSSSSS". Practicamos isto varias veces.

Miramos as figuras, decimos o seu nome e poñemos o dedo no puntiño.

Collemos aire polo nariz e o sacamos pola boca facendo o sonido "SSSSSSS" seguindo a forma das figuras.

Non podemos coller aire nada máis que unha vez (no puntiño) e o aire expirado tennos que durar ata rematar de facer a figura.

Antes de comezar podedes ver este video demostrativo:

Actividade deseñada para o aumento da capacidade respiratoria e a duración do sopro.

DIANA DE SOPRO

Xogo deseñado para o traballo do sopro.

Soprando temos que tratar de meter a boliña dentro dalgún aro.

Cada un deles dános diferentes puntos. 

A probar esa puntería!!!

LIMPANDO O NARIZ

Como todos os cursos, na aula de 3 anos, traballamos a maneira correcta de limpar o nariz.

A hixiene nasal é necesaria para ter unha boa respiración e para previr problemas na gorxa, oídos e cordas vocais.

Despois de soarnos, comprobamos se o nariz quedou limpa coa axuda dun pequeno espello. O colocamos baixo o nariz e espiramos suavemente, co aire que sae o espello embázase.

Desta maneira vivenciamos a espiración nasal, necesaria para aprender a soar os mocos autonomamente.

PESCA CON PALLIÑA

Xogo deseñado para o traballo da succión.

Coa axuda dunha palliña intentamos pescar algun peixiño de papel, aspirando por ela.



Temos que intentar sacalo do mar e deixalo na caixiña sen que caia.

Mirade que ben se nos dá esta nova arte de pesca!

PEIXIÑO

Xogo de sopro elaborado reutilizando o papel de xornal que pintamos na realización do VIDEOCLIP  "CANTOS RODADOS" , unha palla e un anaco de corda.

Mirade que ben fixemos nadar ao noso peixiño de sopro!

SURCANDO O MAR NUNHA GAMELA

Circuito de sopro elaborado aproveitando a gamela que empregamos para a realización do VIDEOCLIP "CANTOS RODADOS" , un anaco de cartón e unhas bolsas de plástico.

Fixemos avanzar a gamela entre as ondas grazas ao control e direccionalidade do noso sopro.

BOLOS PREHISTÓRICOS

Actividade deseñada para o traballo da respiración e o sopro.

Temos que tirar os bolos dun soprido. O número de bolos que tumbamos son os puntos que obtemos.

Se queredes xogar na casa tedes que imprimir a seguinte plantilla nunha cartolina e recortar as siluetas.

ANIMAIS SOPRADORES

Actividade deseñada para o traballo da respiración e o sopro na que temos que soprar segundo o fai cada animal.



Para favorecer o control da voz, da fala e da articulación é necesario respirar correctamente. Os exercicios que se realizan para visualizar ou materializar o proceso de respirar son os de sopro.

Aquí nos tedes realizando os exercicios dos animais sopradores, soltando todo o aire expirado dunha maneira continua e nunha soa vez. Así melloramos a nosa capacidade respiratoria expiratoria necesaria para a correcta fonación.

FIGURAS RESPIRACIÓN

Actividade deseñada para o aumento da capacidade respiratoria e a duración do sopro.

Despois dunha profunda inspiración expulsamos ruidosamente todo o aire pola boca facendo o sonido "SSSSSSS" seguindo a forma das figuras.
Non podemos coller aire nada máis que unha vez (no puntiño) e o aire expirado tennos que durar ata rematar de facer a figura.

 

APRENDEMOS A RESPIRAR

Actividade deseñada para o traballo da correcta respiración (nasal e costoabdominal).
Comezamos a actividade tomando conciencia da importancia dunha correcta respiración nasal para non coller catarros, para coidar a voz, para non estar cansos...
Para poder coller ben o aire o nariz debe estar moi limpo, así que convén sonalo e saber facelo adecuadamente nós sós.
Cando collemos o aire polo nariz a nosa barriga débese inflar como un globo, e o soltalo desinflarse.
Por último, estamos atentos ás imaxes e facemos o circuto de respiración.