"POLA UNHA, MEDIA LÚA". O AUDIOVISUAL

Gustounos tanto esta canción de MAMÁ CABRA, que fixemos con ela un STOPMOTION.

Todas as aulas, no Taller de Linguaxe Oral, fixemos unha parte do proceso; ilustramos, recortamos, fotografamos, gravamos as nosas voces...

E así de bonito nos quedou!

POLA UNHA, MEDIA LÚA

No Taller de Linguaxe Oral traballamos de novo cunha canción de MAMÁ CABRA.
Esta vez trátase de "POLA UNHA, MEDIA LÚA", un fermoso tema que nos fala dos números e do mar.



Buscamos a letra da canción no álbum, falamos do que dicía, buscamos o número da canción na carátula e escoitamos o tema.

Despois cubrimos a ficha coa información do CD.

MARIA MANUELA

Este é o título do poema de Goria Sánchez que as nosas mulleres nos leron diante do cadro das MARISCADORAS de SEOANE, nas POÉTICAS NO MUSEO.

Despois desta visita ao Museo de Belas Artes, no Taller de Linguaxe Oral, descubrimos que MAMÁ CABRA musicou este fermoso poema.

Así que traballamos buscando a letra da canción no álbum, falamos do que dicía, buscamos o número da canción na carátula do CD e escoitamos o tema.

Para rematar buscamos no texto palabras significativas.

)

ANANIÑO

Esta semana, o ANANIÑO trouxo un xogo SMART no seu lápiz USB, no que tiñamos que clasificar palabras atendendo a súa métrica.



Con esta actividade reforzamos a conciencia silábica, necesaria para solucionar ou previr dificultades da fala e de lectoescritura.

A conciencia fonolóxica é a capacidade para manipular e reflexionar sobre os propios sons da fala. 

Divídese normalmente en tres aspectos:

1. Conciencia Léxica, referida á división da fala en unidades máis pequenas que son as palabras.

2. Conciencia Silábica, donde a unidade de traballo é a sílaba.

3. Conciencia Fonética, referida á unidade mínima da fala, o fonema.

E para rematar, un video da canción que temos que cantarlle ao ANANIÑO para que saia da bolsa de Aida e nos ensine o xogo que nos trae.

CANCIÓN DA PAZ 2014

Así de ben quedou a representación da canción que estivemos preparando no Taller de Linguaxe Oral para o FESTIVAL DA PAZ.

MENSAXES DA AUGA

Este é o título da canción que, dende o Taller de Linguaxe Oral, estamos preparando para o 30 de xaneiro, DÍA DA PAZ.

Un tema do grupo MACACO que nos fala da diferencia, da unión, da igualdade, da forza, da xente, da comunicación... e do MAR.

PEIXIÑO: O AUDIOVISUAL

Audiovisual realizado cos debuxos e as voces dos nenos e nenas da aula de 3 anos.

PEIXIÑO: A CANCIÓN

Despois do xogo de sopro co peixiño pasamos ao traballo coa súa canción.
Un tema do grupo MAMÁ CABRA que fomos buscar e escoitar á biblioBN.

Logo rexistramos os datos cos que traballamos.

Se queredes escoitar un anaco desta fermosa canción premede na seguinte imaxe.

CANTOS RODADOS

Esta semana, no Taller de Linguaxe Oral, completamos a andaina iniciada arredor do poema de Antonio García Teijeiro que nos regalou a biblioBN, "CANTOS RODADOS".
Centrámonos no traballo deste fermoso tema musicado polo grupo de música infantil MAMÁ CABRA.

O CABALO DE CROMI

Esta semana estivemos traballando a linguaxe oral coa axuda dun dos personaxes do CONTO PARA FALAR de CROMI, o seu cabalo.
Falamos da pintura rupestre, das partes do cabalo, das cores... fixemos o son do andar do cabalo coas nosas línguas a diferentes ritmos...e aprendemos unha canción na que temos que facer uns sons e uns movementos coa língua e os pés.

CANCIÓN DA ASAMBLEA

Antes de comezar os xogos do Taller de Linguaxe Oral sentamos en asamblea e cantamos unha canción para centrar a atención e incitar á relaxación e escoita.

 

Neste curso empregamos unha canción moi primitiva chamada SOMOS CROMAÑONES.