CONCIENCIA FONOLÓXICA CO ESCORNABOT

Hoxe no Fedelleiro traballamos a Conciencia Fonolóxica coa axuda do Escornabot e un dado coas vogais impreso en 3D.

Tiramos o dado, identificamos a vogal, buscamos o debuxo do panel que comeza por ela e alí temos que mandar ao Escornabot, con coidado de non pasar pola casiña prohibida!

ALFAMONSTRUO

Divertidísima APP de IPAD para traballar as letras e os seus sons.

Descarga

QUE EMPEZA POR...

Na Aula de A.L. gustounos tanto a App "TinyTap" que elaboramos con ela outro xogo para traballar a fonética e a conciencia fonolóxica.

Imaxes extraídas de:

http://logopediadinamicaydivertida.blogspot.com.es/

Sons das letras:

voces do alumnado que asiste á Aula de A.L.

Para xogar nun dispositivo móbil podedes descargar "TinyTap" en:

Despois buscamos no menú da App o nome do xogo: QUÉ EMPIEZA POR...

DISCRIMINACIÓN FONÉTICA E CONCIENCIA FONOLÓXICA

Xogamos co ESCORNABOT a identificar fonemas en palabras. Desta vez traballamos a discriminación s/z e as sílabas trabadas. 

O panel consta de sílabas cos fonemas a traballar. Temos que levar o ESCORNABOT á sílaba coa que comeza cada palabra.

Panel en branco para colocar os fonemas a traballar.

Proxecto Escornabots na Biblioteca Escolar

VISITA DO ANANIÑO

Esta semana recibimos a visita do ANANIÑO no Taller de Linguaxe Oral, co que traballamos a discriminación e pronuncia dos sons do idioma, xa sexa illados ou ben dentro das palabras.

Na aula de 5 anos trouxo un xogo SMART no seu lápiz USB, co que traballamos coa sílaba tónica en palabras bisílabas.

PALABRAS QUE RIMAN

O ANANIÑO trouxo un xogo SMART no seu lápiz USB.
Un xogo con palabras, palabras que riman.

Con esta actividade traballamos a discriminación fonética e fonolóxica identificando as palabras que rematan cos mesmos sons.

PALABRAS CON ERRE

Este venres o ANANIÑO trouxo un xogo SMART no seu lápiz USB.

Un xogo con palabras con ERRE, onde tiñamos que contar as súas sílabas e marcar a sílaba que contiña o fonema "RR".

Con esta actividade traballamos a articulación e pronuncia e a conciencia fonolóxica e silábica, aspectos necesarios para solucionar ou previr dificultades de fala e de lectoescritura.

Actividade elaborada con pictogramas ARASAAC.

QUE RIMA?

Hoxe o ANANIÑO trouxo no seu lápiz USB un xogo, no que tiñamos que atopar palabras que riman.

Con esta actividade traballamos a discriminación fonética e fonolóxica identificando as palabras que rematan cos mesmos sons.

ANANIÑO

Esta semana, o ANANIÑO trouxo un xogo SMART no seu lápiz USB, no que tiñamos que clasificar palabras atendendo a súa métrica.



Con esta actividade reforzamos a conciencia silábica, necesaria para solucionar ou previr dificultades da fala e de lectoescritura.

A conciencia fonolóxica é a capacidade para manipular e reflexionar sobre os propios sons da fala. 

Divídese normalmente en tres aspectos:

1. Conciencia Léxica, referida á división da fala en unidades máis pequenas que son as palabras.

2. Conciencia Silábica, donde a unidade de traballo é a sílaba.

3. Conciencia Fonética, referida á unidade mínima da fala, o fonema.

E para rematar, un video da canción que temos que cantarlle ao ANANIÑO para que saia da bolsa de Aida e nos ensine o xogo que nos trae.

ANANIÑO

Co ANANIÑO traballamos a discriminación e pronuncia dos sons do idioma, xa sexa illados ou ben dentro das palabras.

Esta semana trouxo un xogo SMART no seu lápiz USB, no que tiñamos que atopar e clasificar palabras que contiñan un fonema determinado.

Con esta actividade reforzamos a conciencia fonolóxica necesaria para solucionar ou previr dificultades da fala e de lectoescritura.

RINGO

Actividade de fonética e fonoloxía deseñada e desenvolvida por Bárbara e Patricia, que está a levar a cabo, no Taller de Linguaxe Oral, o PRÁCTICUM do MÁSTER UNIVERSITARIO EN ESTUDOS AVANZADOS SOBRE A LINGUAXE, A COMUNICACIÓN E AS SÚAS PATOLOXÍAS.

Neste bingo do "R" temos que atender aos noso cartóns e ir quitando as tarxetas dos debuxos que van saíndo. O equipo que quite todas, fai... RINGO!

A CAVERNA DO CLAN DO...

Actividade deseñada para o traballo da discriminación e conciencia fonética e fonolóxica.

Na caverna deste clan soamente poden entrar as palabras que conteñan un fonema determinado. Así que temos que fixarnos ben nelas para escoller as que nos valen.

LIM DE DISCRIMINACIÓN FONOLÓXICA

Actividade LIM, elaborada pola Escola de Casalonga, na que temos que discriminar palabras de sonoridade moi parecida.

DISCRIMINACIÓN FONÉTICA E FONOLÓXICA

Co Ananiño traballamos a discriminación e pronuncia dos sons do idioma, xa sexa illados ou ben dentro das palabras.
Empregando o material de Inés Bustos Sánchez editado por CEPE xogamos coa fonética e a fonoloxía.

Nesta ocasión buscamos palabras cunha mesma estructura vogálica.