Actividade deseñada para o traballo da correcta respiración (nasal e costoabdominal). Comezamos a actividade tomando conciencia da importancia dunha correcta respiración nasal para non coller catarros, para coidar a voz, para non estar cansos... Para poder coller ben o aire o nariz debe estar moi limpo, así que convén sonalo e saber facelo adecuadamente nós sós. Cando collemos o aire polo nariz a nosa barriga débese inflar como un globo, e o soltalo desinflarse. Por último, estamos atentos ás imaxes e facemos o circuto de respiración.
Xogo para o EDI deseñado para o traballo da percepción, atención, memoria e vocabulario. Se presentan secuencias de 2 e 3 imaxes que temos que nomear e memorizar xa que quedarán tapadas tras unha cortina. Despois temos que tentar recordalas, ir abrindo a cortina e comprobar se acertamos.
Esta semana estivemos traballando a linguaxe oral coa axuda dun dos personaxes do CONTO PARA FALAR de CROMI, o seu cabalo. Falamos da pintura rupestre, das partes do cabalo, das cores... fixemos o son do andar do cabalo coas nosas línguas a diferentes ritmos...e aprendemos unha canción na que temos que facer uns sons e uns movementos coa língua e os pés.
