NOVA ADQUISICIÓN PARA A AULA DE A.L.

Grazas ao Proxecto Arteixo Innovación acabamos de adquirir un Monitor táctil  para a Aula de A.L. que será empregado para a atención á diversidade.

PREPARANDO A "I ENCURTA DIVERSA"

Este luns o alumnado de A.L. recluíuse no Espazo Fedelleiro para a rodaxe dunha produción audiovisual para un Venres de EnCURTAS.

Unha vez preparamos o material (bolsa de papel para o fondo, cortizas, unha semente moi especial impresa en 3D a partires dun debuxo seu, os seus dedos, as súas mans, pintura, trípode, IPAD e foco) , comezamos a rodaxe colaborativa co programa STOPMOTION STUDIO PRO.

O resultado verémolo en poucos días, inaugurando así as "EnCURTAS Diversas".

SAMAÍN CO ESCORNABOT

No Samaín, na Aula de A.L., é de obriga xogar co panel dos sons de medo do Escornabot.

Así que alá fomos ao Fedelleiro a xogar cos nosos medos.

Comezamos na casiña de saída localizando o Código QR co número 1. Levamos alí o Escornabot e o chegar escaneamos o QR co IPAD.

O QR levaranos a un video que reproducirá un son de medo. Buscamos a imaxe correspondente a ese son e levamos alí o Escornabot.

Buscamos o seguinte número e repetimos o proceso ata percorrelos todos.

Para rematar a  terrorífica sesión escoitamos atentamente a canción da Bruxa Maruxa de María Fumaça.

Medos fóra!!!

TRAZO NA MESA DE LUZ

Coa axuda da mesa de luz, sal, un contenedor adaptado, círculos translúcidos de cores e letras manipulables de cartón, practicamos o trazo de números e letras.

XOGANDO COAS FORMAS CON VOLUME

Este luns, no Fedelleiro, tocoulle o turno ao traballo das formas con volume. 

Co xogo "MENTAL BLOX" reproducimos colaborativamente estructuras que se nos mostran nunhas tarxetas.

Empregamos a lóxica para a resolución de problemas á vez que nos familiarizamos coas esferas, cubos e pirámides.

Unha vez reproducida a estructura, como reto, tentamos facer coas figuras empregadas unha torre.

FORMAS E CORES

Este luns no Fedelleiro o alumnado de A.L. empregamos material manipulativo para o traballo da atención, discriminación e interiorización de formas e cores.

Despois aproveitamos as figuras para facer o seu trazo derredor na mesa multitáctil.

E os máis atrevidos ata os trazaron libremente seguindo a súa clave de cor!

OS LUNS AO FEDELLEIRO

Os luns o alumnado da Aula de A.L. trasládase ao Espazo Fedelleiro para realizar as sesións de Estimulación da Linguaxe Oral e Reforzo Educativo.

Hoxe xogamos coa Mesa de Luz recoñecendo formas e clasificando cores...

e identificando números e cantidades.