XOGANDO COS NOMES

Xogando cos nomes aprendemos a identificar o noso nome e os dos/as nosos/as compañeiros/as e a recoñecer as letras e os seus sons.

E se ademais empregamos o ESCORNABOT a diversión, a atención e a aprendizaxe aumentan.

 Proxecto Escornabots na Biblioteca Escolar.

NOVA ADQUISICIÓN PARA A AULA DE A.L.

Grazas ao Proxecto Arteixo Innovación acabamos de adquirir un IPAD en exclusiva para a Aula de A.L. que será empregado para a atención á diversidade.

Cantas cousas imos facer con el!!!! 

Xa o estreamos, non puidemos agardar ao vindeiro curso.

TRAZO

Na Aula de A.L. tamén empregamos o IPAD para traballar o trazo dos números.

Actividade extraída de:

http://ntic.educacion.es/w3//eos/MaterialesEducativos/mem2009/pequetic/index.html

 

CATEGORÍAS SEMÁNTICAS

Na Aula de A.L. seguimos co Proxecto Escornabots na Biblioteca Escolar, traballando a adquisición de vocabulario e as categorías semánticas coa axuda do ESCORNABOT.

Tiramos o dado, que nos indica a categoría semántica (animais, froitas, instrumentos musicais, prendas de vestir...), buscamos no panel unha palabra de dita categoría e alí levamos ao ESCORNABOT.

Paneis e dado elaborados con pictos ARASAAC.

ESQUEMA CORPORAL

Na Aula de A.L. traballamos o esquema corporal compoñendo os crebacabezas das nosas caras e das dos nosos/as compañeiros/as no IPAD.

O ESCORNABOT NA AULA DE A.L.

Na Aula de A.L. xa comezamos o traballo co Proxecto Escornabots na Biblioteca Escolar xogando cos números como actividade de reforzo.

Paneis elaborados con pictos ARASAAC.

DÍA DA LOGOPEDIA

Hoxe, 6 de marzo, celébrase o DÍA DA LOGOPEDIA.

Esta disciplina ocúpase da prevención, a evaluación e o tratamento dos trastornos da comunicación, manifestados a través de patoloxías e alteracións na voz, a fala, a linguaxe (oral, escrita e xestual), a audición e as funcións orofaciais, tanto na poboación infantil como adulta.

No ámbito escolar realiza este traballo o/a ESPECIALISTA DE AUDICIÓN E LINGUAXE.

Pictograma ARASAAC

Para festexalo deixovos un xogo con algúns órganos da linguaxe elaborado con SCRATCH.