CATEGORÍAS SEMÁNTICAS

Na Aula de A.L. seguimos co Proxecto Escornabots na Biblioteca Escolar, traballando a adquisición de vocabulario e as categorías semánticas coa axuda do ESCORNABOT.

Tiramos o dado, que nos indica a categoría semántica (animais, froitas, instrumentos musicais, prendas de vestir...), buscamos no panel unha palabra de dita categoría e alí levamos ao ESCORNABOT.

Paneis e dado elaborados con pictos ARASAAC.

ESQUEMA CORPORAL

Na Aula de A.L. traballamos o esquema corporal compoñendo os crebacabezas das nosas caras e das dos nosos/as compañeiros/as no IPAD.

O ESCORNABOT NA AULA DE A.L.

Na Aula de A.L. xa comezamos o traballo co Proxecto Escornabots na Biblioteca Escolar xogando cos números como actividade de reforzo.

Paneis elaborados con pictos ARASAAC.

DÍA DA LOGOPEDIA

Hoxe, 6 de marzo, celébrase o DÍA DA LOGOPEDIA.

Esta disciplina ocúpase da prevención, a evaluación e o tratamento dos trastornos da comunicación, manifestados a través de patoloxías e alteracións na voz, a fala, a linguaxe (oral, escrita e xestual), a audición e as funcións orofaciais, tanto na poboación infantil como adulta.

No ámbito escolar realiza este traballo o/a ESPECIALISTA DE AUDICIÓN E LINGUAXE.

Pictograma ARASAAC

Para festexalo deixovos un xogo con algúns órganos da linguaxe elaborado con SCRATCH.

SONS OLÍMPICOS

Actividade SMART deseñada para o traballo da atención, discriminación auditiva e vocabulario específico do proxecto.

Detrás dun fondo de cor está escondido o pictograma dun deporte olímpico que teremos que adiviñar polo seu son.

PRAXIAS DO MAGOSTO

Coa axuda dunha CASTAÑA realizamos exercicios cos órganos bucofonatorios que nos axudan a mellorar a vocalización e pronuncia.

Poñémoslle unha boca á CASTAÑA e a imitamos colocando os beizos, lingua, dentes e meixelas coma ela.

ATOPA O INTRUSO NO SAMAÍN

Actividade deseñada para o traballo da atención, vocabulario específico do SAMAÍN, razoamento e expresión oral.