Esta semana estivemos traballando a linguaxe oral coa axuda dun dos personaxes do CONTO PARA FALAR de CROMI, o seu cabalo. Falamos da pintura rupestre, das partes do cabalo, das cores... fixemos o son do andar do cabalo coas nosas línguas a diferentes ritmos...e aprendemos unha canción na que temos que facer uns sons e uns movementos coa língua e os pés.
Actividade de atención na que temos que atopar as 5 diferencias existentes entre as dúas imaxes, verbalizar e explicar as diferencias e por último representalas gráficamente.
Este conto está dirixido á realización de praxias bucofaciais dunha maneira lúdica, ao traballo do ritmo, discriminación auditiva, soplo, respiración, vocabulario, linguaxe comprensiva e expresiva. Xunto coa narración do conto aparecen, entre paréntese, os exercicios de estimulación da linguaxe oral (praxias, ritmo, respiración, dicriminación auditiva...) que se irán realizando ao longo da narración. Ao final realízanse preguntas referentes á historia contada e personaxes da mesma, para desenvolver a linguaxe comprensiva e expresiva.
