A VIDA DO BOSQUE II

Para seguir aprendendo cousas dos bosques mentres xogamos.
Premede na imaxe para entrar no xogo.

TRABALINGUAS

Aprendendo e repetindo trabalinguas melloramos a vocalización, a pronuncia e a fluidez da nosa fala.
Tamén nos divertimos vendo como nos trabamos e aprendemos a aceptar os nosos erros e os dos demais.

A VIDA DO BOSQUE

Outra proposta dende o Taller TIC de xogo e aprendizaxe.
Premede na imaxe para xogar.

VACA

Traballamos as praxias (movementos da boca, língua e mandíbula) coa axuda desta vaca.

KARAOKE DO GRILO

No Taller de Linguaxe Oral aprendimos unha canción do grupo FOL DO VENTO que fala dun grilo que non para de cantar.

Resultounos moi graciosa e ata nos atrevimos cun karaoke.

FOTOS ESTILO KLIMT

No Taller TIC estivemos a traballar coa cámara de fotos.

Xa que estamos aprendendo moito de KLIMT probamos a sacar fotos ao seu estilo, retratando o que viamos a través dun marco.

Os de 5 anos "enmarcaron" os exteriores do Museo de Belas Artes. Os de 4 anos bodegóns que realizaron con teas, un tronco e outros marcos. E os de 3 anos o horto da escola.
Neste video podedes ver unha mostra destas fotos tan artísticas.

O XOGO DO GRILO

Quen non escoitou cantar o grilo nun paseo polo campo? O difícil é topalo!
Diso trata este xogo de audición e discriminación auditiva no que repartimos tarxetas con animais que cada un garda en segredo no seu peto. Ao son da campá todos os animais comezan a "falar". Entre todos eles se agocha o grilo.
CRI CRI CRI CRI
Quen o ten no seu peto?